Respublikamız  müstəqillik qazandıqdan sonra ətraf mühitin mühafizəsi ilə əlaqədar müxtəlif illərdə neçə-neçə qanunlar imzalandı. Bundan başqa 2010-cu  il ölkəmizdə ekologiya ili elan edilmişdir. Bütün bunlar onu göstərir ki, dövlət təbiətdən istifadə məsələsinə nəzarəti gücləndirməyi, əhalinin ekoloji tərbiyəsini diqqət mərkəzində saxlamağı  zəruri sayır. 
İnsan sudan, torpaqdan, havadan, günəş  işığından və s. istifadə edir. Ağaclar  bizi  oksigenlə, dənizlər, göllər, çaylar su ilə, balıqlarla təmin edir.
Düşünmədən hara gəldi atılan zibillər, fabrik və zavodların çirkli su və tüstüləri havanı, gölləri, çayları, dənizləri çirkləndirir.  Onlar  da öz növbəsində  insanın  sağlamlığına  zərər  vururlar. Ağacların kəsilməsi, meşə yanğınları  oksigen  ehtiyatını  azaldır, insanların tənəffüsü çətinləşir.
İndi  ki,  bizi əhatə edən çevrəmiz bizim üçün bu qədər həyati əhəmiyyət daşıyır, deməli onların qədrini bilmək lazımdır, onların təmizliyinə laqeyd qalmaq, əhəmiyyət  verməmək nankorluqdur. Biz çevrəmizi qorusaq, onu zibilləməsək, dənizləri, gölləri, çayları  çirkabla  murdarlamasaq, meşələri yanğından, gərəksiz  yerə  qırılıb tökülməkdən, zibillənməkdən qorumasaq, Allahın bizə verdiyi nemətlərə nankorluq etmiş olar, üstəlik sağlamlığımızı  da təhlükə altında qoymuş olarıq.
Ona görə  də insanlar  oturub-durduqları,  gəzib-dolaşdıqları  yerləri, küçələri, yolları, hamının müştərək  istifadə etdiyi hər bir şeyi -mal və əşyanı, xüsusilə suları, torpağı, küçəni, həyəti  təmiz saxlamalıdır.
Heyvanlar  insanların ərzaqa olan ehtiyaclarını ödədikləri kimi, təbiətdə gedən təmizlik prosesində də iştirak edirlər. Məsələn, vəhşi heyvanlar sürüdəki  xəstə və zəif olan digər  heyvanları ovlayıb yeməklə bir çox yoluxucu xəstəliklərin qarşısını alırlar. Həşəratlar torpağı, bitki  qatını  xəstəliklərdən qoruyurlar  və.s.
Ətraf  mühitin təmizliyindən danışarkən günümüzün çox hissəsini  keçirdiyimiz, bizim üçün əziz olan, gələcəyimizin təminatçısı olan sevimli məktəbimizin, sinifimizin təmizliyini xatırlamadan keçə bilmərik. Yemək  qırıntılarını, cırıb tökdüyümüz  kagız parçalarını, ayağımıza bulaşan palçığı, tozu, torpağı  təmizləməli, üstəlik, şüşələri sındırmaqdan, partaları, divarları, qapıları  cızıb-yazmaqdan qorumalıyıq.  Çünki, bunlar  bizim ümumi  malımızdır  və onları təmiz saxlamaqla  bizdən başqa daha  neçə- neçə insanların da  onlardan istifadə  etməsinə  yardım  etmiş  oluruq.

Ekologiya sahəsinə dair çəkilmiş rəsm əsərlərini Sizlərə təqdim edirik:

İldırımlı Xəyalənin əl işi	İldırımlı Xəyalənin əl işi
Rəhimli Günelin əl işi	İmanov Elmanın (kənd həyatı)
	Talıbova Nailə (Təbiət peyzajı)

Görkəmli şəxslər ekologiya, təbiət haqqında

   Təbiət Allah tərəfindən yaradılıbdır. Onu qorumaq isə bizim müqəddəs vəzifəmizdir.
                                                            
     Heydər Əliyev
Azərbaycan xalqının ümummilli lideri

  Biz iqtisadi cəhətdən möhkəmlənmişik. Azərbaycanın uğurlu iqtisadi inkişafı artıq gerçəkdir, faktdır və gələcəkdə bizə böyük imkanlar gətirəcəkdir. Ancaq insanların sağlamlığı, ekoloji vəziyyət, udduğumuz hava, içdiyimiz su - bütün bunlara biz çox böyük diqqət göstərməliyik.
                                                                                    
  İlham Əliyev
                                                            Azərbaycan Respublikasının Prezidenti

 İnsan özü-özünün keşikçisi olmalıdır. Əks təqdirdə heç bir başqa canlı onun harayına çatmayacaq. Ona görə də təşvişsiz, haraysız həyəcan təbili çalmaq lazımdır və bu təbili heç yerdən asmaq lazım deyil.
O, müasir insanın ürəyidir. 

                                                                      `         Həsən Əliyev, akdemik

Təbiət elminin əsas məsələlərindən başı çıxan insan baxılan problemlərə dair asılılıq olmadan, ideyalar yaratmaq iqtidarında ola bilər.

                                                                                             Nəsirəddin Tusi

Torpaqdan  nemətlər götürməklə yanaşı onu becərmək, ona nəvaziş göstərmək də gərəkdir.

                                                                Xətib Təbrizi

 Böyük bir ağaca mişar çəkmə sən
Zöhhak bunun üçün düşdü təxtindən
                                                                      Nizami Gəncəvi

Yamyaşıl meşəsi cənnətə bənzər,
Şən ətəklərinə bağlanmış kövsər
Nizami Gəncəvi

 Allah insanı təbiəti sevmək üçün yaratmışdır.

                                                 “Avesta”dan

Sıra dağlar, gen dərələr,
Ürək açan mənzərələr,
Ceyran qaçar, cüyür mələr.
Nə  çoxdur oylağın sənin,
Aranın, yaylağın sənin...

                            Səməd Vurğun

                                        Zülmət gecələrdə parlayan şimşək ,
                                        Yol üstə göz qırpan mayak deyilmi?
                                        Gəlin təbiəti biz də düşünək,
                                        O özü hər şeyi düşünən kimi.

                                              Hüseyn Arif

 Həm yerin, həm göyün sirrini aşkar,
Oxudum bir gülün ləçəklərindən.
Böcəklər, çiçəklər, güllər, arılar,
Kim deyir ayrıdır bir-birindən.

Eşqdir yaşadan təbiəti də
Çiçəklər torpağın min bir rəngidir,
Böcəklə çiçəyin məhəbbəti də
Ana təbiətin öz ahəngidir.

       Bəxtiyar Vahabzadə

   Gözü intizarda hər axşam-səhər
   Təbiət haqq-hesab istəyir bizdən
      Bu gün bacalardan çıxan tüstülər
                                       Sabah çıxacaqdır əsəbimizdən